ਦਿੱਲੀ : ਬੀਜੇਪੀ ਨੇ ਸਪੀਕਰ ਦੇ ਅਹੁਦੇ ਲਈ ਆਪਣਾ ਉੁਮੀਦਵਾਰ ਖੜ੍ਹਾ ਕੀਤਾ

 ਦਿੱਲੀ ਵਿਧਾਨ ਸਭਾ ਵਿੱਚ ਅੱਜ ਵਿਸ਼ਵਾਸ਼ ਮੱਤ ਦਾ ਸਾਹਮਣਾ ਕਰ ਰਹੀ ਅਰਵਿੰਦ ਕੇਜਰੀਵਾਲ ਸਰਕਾਰ ਦੇ ਲਈ ਬੀਜੇਪੀ ਨੇ ਸਪੀਕਰ  ਦੇ ਅਹੁਦੇ  ਆਪਣਾ ਉਮੀਦਵਾਰ  ਜਗਦੀਸ਼ ਮੁਖੀ ਨੂੰ ਉਤਾਰ ਕੇ ਨਵੀਂ ਚੁਣੌਤੀ ਦੇਣ ਦੀ ਕੋਸਿ਼ਸ਼ ਕੀਤੀ ਹੈ ਜਦਕਿ  ‘ਆਪ’ ਪਾਰਟੀ ਨੇ ਮਹਿੰਦਰ ਸਿੰਘ ਧੀਰ ਨੂੰ ਆਪਣਾ ਉਮੀਦਵਾਰ ਦੱਸ ਕੇ  ਸਪੀਕਰ ਦੀ ਨਾਮਜ਼ਦਗੀ ਲਈ ਪਰਚਾ ਭਰਿਆ ਹੈ।
 ‘ਆਪ’ ਦੇ ਲਈ ਸਪੀਕਰ ਦੀ ਚੋਣ ਜਿੱਤਣਾ ਹੁਣ ਆਸਾਨ ਮੰਨਿਆ ਨਹੀਂ ਜਾ ਰਿਹਾ।
ਬੀਜੇਪੀ ਦੇ ਸਾਬਕਾ ਪ੍ਰਧਾਨ ਅਤੇ ਦਿੱਲੀ ਦੇ ਇੰਚਾਰਜ ਨਿਤਿਨ ਗਡਕਰੀ ਦੀ ਪ੍ਰਧਾਨਗੀ ਵਿੱਚ ਵੀਰਵਾਰ ਨੂੰ ਬੀਜੇਪੀ ਦੀ ਬੈਠਕ ਹੋਈ ਜਿਸ ਵਿੱਚ  ਸਪੀਕਰ ਦੇ ਅਹੁਦੇ ਲਈ ਪਾਰਟੀ ਦਾ ਉਮੀਦਵਾਰ ਖੜ੍ਹਾ ਕਰਨ ਦਾ ਐਲਾਨ ਕੀਤਾ ਗਿਆ। ਇਸ ਨਾਲ ਹੀ ਪਾਰਟੀ ਦੇ ਸਾਰੇ ਵਿਧਾਇਕਾਂ ਨੂੰ  ਵਿਸ਼ਵਾਸ਼ ਦਾ ਵੋਟ ਕੇਜਰੀਵਾਲ ਦੇ ਵਿਰੋਧ ਵਿੱਚ ਪਾਉਣ ਦਾ ਵਿਪ ਵੀ ਜਾਰੀ ਕੀਤਾ ਗਿਆ ਹੈ।
ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਕਾਂਗਰਸ  ਸਪੀਕਰ ਦੇ ਅਹੁਦੇ ਲਈ ‘ਆਪ’ ਨੂੰ ਬਿਨਾ ਸ਼ਰਤ ਸਮਰਥਨ ਦੇਣ ਲਈ ਤਿਆਰ ਨਹੀਂ ਹੈ ।
ਇਹ ਵੀ ਸੰਭਵ ਹੈ ਜੇਕਰ ਕੇਜਰੀਵਾਲ ਸਪੀਕਰ ਦੇ ਅਹੁਦੇ ਲਈ ਕਾਂਗਰਸ ਤੋਂ ਸਮਰਥਨ ਨਹੀਂ ਮੰਗਦੇ ਤਾਂ ਕਾਂਗਰਸ ਦੀ ਵੋਟ ਬੀਜੇਪੀ  ਨੂੰ ਪਵੇਗੀ ।
ਇਸ ਕਰਕੇ ਮੰਨਿਆ ਜਾ ਰਿਹਾ ਹੈ ਕਿ ਬੀਜੇਪੀ ਦਾ ਸਪੀਕਰ  ਬਣ ਸਕਦਾ ਹੈ ਕਿਉਂਕਿ ਬੀਜੇਪੀ ਕੋਲ 32 ਵਿਧਾਇਕ ਹਨ। ‘ਆਪ’ ਕੋਲ 28 ਅਤੇ 2 ਅਜ਼ਾਦ ਵਿਧਾਇਕ ਵੀ ਜੇ ਆਪ ਸਮਰਥਨ ਦੇਣ ਤਾਂ ਵੀ ਗਿਣਤੀ 30 ਹੀ ਬਣੇਗੀ ।